З 11 снежня на адзіным партале электронных паслуг даступна да заказу электронная паслуга, якая аказваецца Дзяржаўным камітэтам па маёмасці Рэспублікі Беларусь 3.72.01 «Спіс актуальных ацэншчыкаў па віду пасведчання па Рэспубліцы Беларусь (пашыраны)».

У выніку аказання электроннай паслугі дзяржаўныя органы ў выпадках, устаноўленых заканадаўчымі актамі Рэспублікі Беларусь, змогуць атрымаць пашыраную інфармацыю аб ацэншчыках у Рэспубліцы Беларусь, сістэматызаваную па віду атрыманага ацэншчыкам пасведчання. Акрамя прозвішча, імя, імя па бацьку, нумара тэлефона і месца працы ў масіў выходных даных уключана інфармацыя аб пасведчанні аб атэстацыі канкрэтнага ацэншчыка, яго адукацыі, павышэнні кваліфікацыі і пройдзенай перападрыхтоўцы, вучонай ступені і накладанні спагнанняў.